Sementando patrimonio

             

 

PDI: Animais en perigo de extinción

  O tema elixido polo alumnado para o PDI proposto pola biblioteca  foi o mundo natural, concretamente sobre os animais que se atopan en situación de extrema vulnerabilidade como especie: os animais en perigo de extinción.

   Na clase de relixión traballamos no proxecto baixo o título:

"Nós tamén queremos salvar aos animais"

Traballamos a partir dos relatos bíblicos do libro da Xénese, para alcanzar os seguintes obxectivos:

o Recoñecer a Biblia como libro sagrado para os cristiáns.

o Coñecer os mitos da Creación do libro da Xénese: os dous relatos da Creación, a historia de Adán e Eva e o Xardín do Edén, a expulsión do Paraíso e o relato do Diluvio Universal.

o Entender que estes relatos ensinan que as persoas non somos "propietarias" da natureza, que o universo é un todo estreitamente relacionado e que é necesario preservar o equilibrio que o sostén: debemos protexer o mundo natural.

SAME

Participamos na Semana de Acción Mundial pola Educación.

Este ano estivo enfocada no cambio climático e na importancia de coidar o medio ambiente.

A Creación é un regalo; pero non é nosa. Non podemos destruila.

A que quedou chulo o noso mural?

En Andrade tamén fixemos; non vaiades pensar que non.

20-N

Nunca, nunca, nos olvidamos de ter unha actividade especial neste día.

A mensaxe evanxélica ensínanos que todos e todas somos irmáns; temos que pensar no benestar de todos.

DÍA DA PAZ

   Dende o ano 1964 o día 30 de xaneiro (aniversario da morte de Gandhi)é un día para recordar de maneira especial a importancia da cultura de paz.

ANDRADE

MANIÑOS

TODOS

  

O Reino de Deus

 O grupo de 4º de Primaria de Andrade, tan participativo, traballou sobre o Reino de Deus, ese reino que temos que construír entre todos aquí na terra. Isto tradúcese na defensa dos dereitos humanos, no rexeitamento de todo tipo de inxustiza, na educación na cultura da paz, no coidado do medio ambiente, na tolerancia, no respecto, na fraternidade...
  Aquí vos deixo un pequeno video coas fotos do proceso do seu mural. Pasárono moi ben.

A PAZ EN ANDRADE

   O alumnado de relixión de 2º, 3º e 4º de Primaria do CEIP. Plurilingüe de Andrade elaborou uns murais cooperativos para conmemorar o Día Escolar pola Non-violencia e a Paz.

   As letras que fixeron en 2º pasaron a formar parte do gran mural do cole. Por iso posan tan contentos xunto a Pau e Zeltia, os seus compañeros de valores, que tamén colaboraron. 

 

HISTORIAS E PESONAXES DO ANTIGO TESTAMENTO

   No CEIP. Plurilingüe Os Casais, en 2º de Primaria remataron o traballo sobre algunhas das historias e personaxes do Antigo Testamento.

   Temos decorada a clase de relixión con parte dos traballos que ilustraron esta etapa do curso, que agora dará paso a outro proxecto diferente.

 

MOISÉS

   Que vos parece o mural de 2º de Primaria sobre a figura de Moisés?

CONSTRUIR O REINO DE DEUS

   O alumnado de 4º de Primaria de Andrade fixo un bonito mural cooperativo con aqueles valores cos que, entre tod@s, poderemos construir o Reino de Deus.

 

A HISTORIA DA ARCA DE NOÉ

           Seguimos coas historias bíblicas e co traballo d@s nos@s artist@s.

                     Nesta ocasión tocoulle ao Diluvio Universal. 

NO PRINCIPIO...

   As nenas e os nenos de 2º de Primaria están traballando sobre a Biblia, coñecendo algunhas das súas historias e personaxes.
   Todos xuntos fixeron este pequeno mural.
   Aquí podedes ver a obra e @s artistas.
 

SAME 2016

A semana pasada fixemos un fermoso acto para reivindicar o dereito á educación, sumándonos á SAME deste ano.